Posts Tagged ‘chascarrillo’

Importación/Exportación

Xoves, Novembro 27th, 2008

A partir de xa, as anotacións que existían no blogue  http://chascarrilloindiscriminado.blogaliza.org/ están importadas con éxito aquí grazas ao bo labor de blogaliza (funcionando baixo wordpress).

O blogue en cuestión era meu tamén, e supoñíase que alí ía ir poñendo calquera trangallada que atopara pola rede e me resultase o suficientemente graciosa para ser considerada “chascarrillo” (humor… absurdo?), pero ante a falta de vontade pola miña parte, e sobre todo polo uso que agora fago de outras vías para compartir cousas entre as que podo incluír esta clase de elementos (google reader shared items, twitter, facebook e friendfeed) pois poderiamos dicir que incluso era traballo perdido.

As datas das anotacións estánme bailando un pouco, algunhas imaxes quedaron co traslado mal maquetadas, algunha ligazón perdida… son detalliños que se poden dar polo blogue adiante e que estou corrixindo, que tampouco é tanto traballo.

Seguimos coas vías habituais, logo.

Por que o chaman arte cando queren dicir chascarrillo?

Domingo, Decembro 16th, 2007

Algo taaaaaaaan de alta cultura coma a arte (ui!), tan coidada, tan metafísica, tan na procura da beleza… tiña que ter algún enfant terrible que se burlara dela. Meu dito meu feito:

Ce n´est pas une pipe

“Isto non é unha pipa” de Magritte. Noooooooon! Eu aí vexo un oso panda!

A fonte de R. Mutt

“A fonte de R. Mutt” de Marcel Duchamp, que transformándoo dende a cultura francesa sería como meter nun museo un váter dos de Roca e chamala: “A fonte do sr. Roca”. Chascarrillos de alta cultura.